صرت أم

يعني مآدري صراحه لما الانسان يعطل .. وتوه حاس بطعم العطله يجون اللي طول عمرهم عاطلين يخربون عليه هـ الاستجمام والراحه << أهدأ من كذا ياحياتي



كلنا نعرف .. كيف كنا صغار وبثرين بعدين كبرنا ..

لكن هـ البثاره .. أنا أشوف مايتحملها إلا أهل الطفل .. أو اللي يعشقون الاطفال للنخاع ..


بس اللي ماعنده هـ الفصيله البشريه ... ولا يعرف كيفية التعامل معهم

ويجي أحد ينطل عليه بزرانه ... هنا وش السوات ياعالم ...


المهم أنا تعلمت في هالعطله الكبيره أشياء واجد << توها معطله قبل ثلاث أيام

وأهم شي تعلمته كيفية التعامل .. وكيف تسوين إذا أنزنقتي ...

بعطيكم كورس ... وهذا رقم حسابي 234567890 " وجه متحسف ووده أنه نزل الموضوع بالحراج "







يوم الخميس كان قدر وحده من أقاربنا انها تعرس .. لقد فرحنا كثيراً .. ليس لتناول طعام العشاء

و مو لانها تعرس .. لان أمي بتروح للزواج وأحنا بنهيت مع أخوي في ربوع شواع التحليه وماجاورها




المهم الخميس .. قمت من النوم وكنت مرووقه حدّي ...

وأشوف الجوال 3 مس كول من خالتي

اللي من طلعت الجوال من سبع سنوات ماتصلت علي الا مره


المهم كلمتها : هلا خاله وش فيكم جدي مات ولا شي ؟

قالت : لا ياقليلة الادب .. وماندري من الاول

المهم أنها جلست تمدح فيني وتقردني ساعه .. لييين صار راسي كبر بيتنا

وحسيت إنه لم يخلق مثلي في البلاد من هالمدح والترييش على قولة بعش الناس " وجه عضو ماعرف ينطق الكلمه "


بعد هالمديح والثناء .. قالت أنها تبي تنزل أولادها عندي قبل تروح للعرس مع امي

لان البطاقه مكتوب عليها " نتمى لـ أبنائكم نوماً هادئاً "<< تصريفه ذوق


وافقت طبعا ... لاني خفت اقول لا .. وتغير رايها بالمدح .. اللي عطتني اياه ..


وسبحان الله توني مسكره ... الا الجرس يرنّ .. شكلها تكلمي وهي عند الباب

خابره اني سمحه يالبيه بس " وعلى دين وجمال وخلق " << طرا موضوع البارح اللي تبي تركب برييسز



فتحت الشغاله ودخلو الكتاكيت


وجوني على طول ماما ماما ...

أمهم قايله لهم بالسياره .. تراني اليوم مو أمكم .. أمك ساره روحو لها ..

شكل المعزب لاعب عليها وقايل لها كـأنك بنت .. وتبي تتبرأ من عيالها .. تحسفت انها جابتهم


أول مادخلو كنت قمة الذوق والحنيه معاهم

أحن من ماما نوره ... تتذكرون مسلسل ماما نوره ... اللي مخلينها ملاك



طبعا قبل أبدأ بعرفكم عليهم

وبحط لكم صورة شفايفهم وشراباتهم وش زود بنات النت لوق


فهد = 5 سنوات << السن المنرفز للطفل السعودي




قلت له بصورك وعلى طول حط يده على خده

الظاهر ان حركة التميلح ذي مفطوره بالانسان


عزيز = توه ماطلعت له أسنان يعني بالشهور << يوووه قدامك مشوآر طويل بالحياة

أول شي طبعا كان وقت ظهر .. وجلست فهودي جنبي .. يمال العافيه .. وجلست أسأله وش تبي حيوان

يقول أرنب

وأطلع له من قوقل صورة أرنب


وشوي بدأ يمون ويقول جيبي الجهاز وروحي انا بتفرج ... قلت مدام الميانه طاحت .. اجل هات لا انا ولا انت << وارثه هـ الحركه من امي


بعد العصر .. بديت أحس انهم قمة المصاله .. ولا عاد أعرف وشلون ألعبهم أنهد حيلي وأنا أنطط قدام عزوز ويسكتني بضحكه .. وأنزل له راسي ويمعط شعري

... وأشغل لهم توم و جري .. وخشينا جووو مررره ..

توم جاه العنقز وجيري راح يعالجه


وجت لقطه توقعت أنها تضحكهم ... والتفت بحنان الام اذا شافت شي يونس عيالها وتبي تشوف الضحكه على محياهم







ولا حولي احد
وأنزل تحت ... لينه مسوي كااارثه ... هين عزوز مايقدر يسوي شي مايمشي

بس البلا من هالبثر

مطلع الي بدرج المطبخ كله ... ومعه أرواجي وحاطهم بقدر

دخلت وطيرت عيوني وعصبت .. لين عوتني أحس الهواء دخل جواء ..
جلس يطالع .. قال جالس أطبخ لكم غداء

المهم مسكته مع شوشتة وطلعته برى ..

وذاك يصيح .. ولا ادري وش فيه المشكله مايتكلم ... بس اكتشفت أنه جايع " اذا بكا الطفل يعني جايع تعلمو "


المهم سويت له حليب .. وعشان تعرفون ... حطو ملعقتين حليب بـ االرضعه الصغيره

وحطو مويه ... بدون نسكافيه << ياخف دمي


المهم جلست أرضعه لين هجد .. ورحت لفهد ... مزعج بشكل مو طبيعي ..
لانه كل ضحى يجلس مع جده

وجده معروف بالصوت العالي المزعج ...

المهم قلت فهودي بنلعب لعبه حلوووه

أكثر واحد يسكت هو الفايز

ناظرني نظرات " على مين تعلبها " ... قال لا أنا ما ابي اسكت انتي الفايزه . ويضحك ياصبر الارض ..

وأمضيت يوم متعب في الركض ورى هالبزر

عشان كذا أعتذر امس لكل اللي كلمته مسن وسحبت عليهم بدون أقول برب ..
لاني صرت أم فجأه ... وخصوصا اللي زعلو


واعتذر بعد للي خربتطت عليهم وأرسلت لها ملفات .. لانه مو أنا هذا وليدي الله يصلحه ..


وأصعب موقف هو اللي جاء بالنهايه ... يعني فجأه عزوز الله يهديه بدون مقدمات خربها .. ولا ادري وش اسوي .. بس جتني الصيحه .. لاني ماتخيلت أني بـ أغسل طفل بحياتي
ولا أدري وشلون يشترون البامبرز ..
أتصلت على البقاله .. وقلت لهم أبي أثنين حبه بس ..

وسكرها بوجهي وش هالاخلاق ياشفيق .. هذا واحنا دايم نطلب من عندك

آكتشفت في النهايه .. ان البزران لهم شنطه .. وان البامبرز موجوده بالشنطه ..

ناديت شغالتنا .. قلت لها خذي قلفزات وشوفي شغلك


وأسمعه يصيح .. وربي رحمته .. بس وجهه بارد .. مخربها ويصيح ...


..

بعد من التعب ... أنا بعرف شي واحد .. وشلون اللي عندها صغار تسمن ؟؟

ماجلست أبد أحس ... ياامشي وراه ولا اسمع خبطه ولا شي مكسور واركض ..





بعد العشاء أشوى بدو يهجدون ويجيهم نوم ...

عزوز نام

ورحت لفهود أقوله تبي تنام ... قال ماعرف أنا لين تشيلني ماما

قلت انا اشيلك ...

شلته وماشاء الله رجله واصله ركبتي وأدور فيه ..

بس ماش الولد أخلاقه ماهي مضبوطه

مدري هو الصغار يسوون كذا اذا جو ينامون .. ولا ان الولد منتهي

وأحطه على السرير ... قلت تبي تنام نام كذا .. ومافيه شيله ياقليل الحياء



..

ثبت المنبه على الساعه وحده ... وناااسه بيجون من الزواج وأفتك ..

وجلسنا أنا وفهود نلعب رجال ... هو اسمه فهد وأنا اسمي خآلد ...
وعلى فكره أنا ولده وهو أبوي


حسيت أني بديت أصير صغيره وعقلي بدأ يصغر .. لأني أنسجمت وأنا العب رجال ..
وكنت بتصل على امي واقولها بكمل نصف ديني


ولما سمعت صوت جوالي ... فرحت .. أخيرا جت أمهم


كلمت ... قالت .. هاه وش اخبار عيالي ؟؟

قلت : يهبلوووون والله لبا قلوووبهم ...

" قربت روحتهم خلاص .. خل نمدحهم ونكمل معروفنا "

قالت : أجل خلوهم عندكم اليوم ينامون ... لاننا بنروح لـ هوتيل اليوم ولا ودي آخذهم







مايستفاد :

أهم شي بتجهيز العروس حبوب منع الحمل

اللي تبي تنحف .. تجيب بزران وتربيهم << حشا قطاوه

اللي عندها مبزره تضفهم يمال العافيه .. ويتربون بعزها