الى زوحي العزيز

السلام عليكم


أسعد الله أوقاتكم أينما كنتم <= مافيه أحلى من مقدمة أحمد الحمد


بالعاده .. أول مايدخل الشتاء .. تتدهر مواضيع الزواج .. كلن يدور الدفا

بس أنا بكسر القاعده .. وأخليها أول بداية الصيف ..

لأني ما أأييد الزواج .. اللي يجلس مع متزوجات مايفكر يتزوج

أنا ادري انها ببيتها أنواع التميلح والخقه .. مكفرات للعشير ماعليهم شرهه ,, المهم ان بتكلم عن شي ينرفزنيي



اليوم العصر بعد ماصحيت من قيلولتي

لقيت أمي كـ العاده طبعا .. مجهزه النعناع .. والفصفص .. وتشيبس ليز حآر

وجالسه عند قناة .....**** <== مابي أسوي دعايه

المهم إني جلست وليتني لم أجلس . .. قسم بالله يابعض الناس ان فيهم مصااله .. لم يخلق مثلها في البلاد


المهم طال عمري طلعت جوالي حبيبي وجلست أصور .. من زمان ماحشيت .. حتى بالجامعه ماعندنا بريك كثير







.
.
.











إذا هو زعلان عليها ولاعن أصلها .. مو المفروض يمسك يدها ويسامحها ويالبيه

مدري وش الفايده جاي يكتب هنا

زيادة فواتير يعني ..

كني أشوفهم الحين

يقولها تعالي عندي لك مفاجأه شوفي الشاشه ..

عاد بتنحول عيونها على ذا الخلفيه الاورانجيه

وتعرف انه كاتب لها رساله .. ويروح الوقت ورسالته ماطلعت .. وتخرب مفاجأته اللي مثل شهاب كوعه




.
.
.







أحلف ان ابو اسامه مادرى عنك

أرسلي له مسج أسرع وأظمن انه يوصله


.
.
.





أمـا عبوره وفوفو

على هـ الدلع أحس فوفو وحده بالمتوسط معجبه بعبوره



أدخل على الله

انها عبوره مرسله الرساله لنفسها وجالسه تعيش احلام ورديه



.
.
.





هههههههههههههه


حالف انه معاد يسافر

عز الله انك بتخيس وانا اختك ..

الالب داعي لك


برايفت حريمي :

لا تجلسون تقعدون لرجالكم على الطلعه والروحه

عاد خله يوسع صدره ..

وأنتي بذكائك العاطفي ماتخلينه يطالع غيرك

أما انك تجلسين تحجرين ماله داعي



.
.
.




ياسآتر

وراه تشكين فيه

الله المستعان بس روحي تأسفي فيس تو فيس

ليه جايه تهببين هنا عاد

الله يرزقكم الذريه الصالحه



.
.
.





عفوفي

حسيت انها علبة فاين موزع عند محطه وش هالدلع البايخ

بعدين ماناقصك الا ترسم قلب وسهم وتكمل حركات 2م /ب





.
.
.





لاحظوا الرومانسيه المدفقه

زوجي عدد انفاسي << كيف تجي


لو بكره قال لك ماني موديك للسوق

أتحدى تقولين له هـ الكلام المصفصف المبررق







.
.
.



مايسفاد :

طبيعي كل إنسان بينه وبين زوجته مودّه .. وهذي نعمة من الله .. عشان تقدرون تجيبون عيال << الله من التفكير بعد

لكن .. هذا مو معناته أنكم تكبتون هالكلام اللي بينكم بالشاشه ولخلق الله كلهم

لان بالقناة نفسها كثير بنات يقولون أدعولنا نتزوج ميتين على الزواج ..

ماندري عن ظروفهم يمكن مو لاقين راحه ببيت أهلهم ..

لاتنسون ان يتابع هـ الشاشه محرومات ... ماني قايله مطلقات لان المطلقه ودها تتفل بوجه الرجال كلهم

فمرعاه لشعور الغير .. وبعداً على صكة العين

الكلام اللي بتقولونه لازواجكم تكفون خلوهم بالغرفه وإلا بالصاله المهم بينكم ..







.
.
.



هذا وبس