فجأه لقيت نفسي فاضيه .. قلت خلوني انزل موضوع .. يعني هالموضوع جاء فجأه ...قلت خلوني انزل موضوع منوع بتاع كلوو زي شريط محمد سليم وانت ماسك خط سفر
ولانه الموضوع جاي فجأه كل شوي بندخل بسالفه غير فجأه .. عشان كذا لا تتفاجؤن ابد
يالله نبدأ نرقم
(( الله من داشر بيفهم الجمله غلط )) 1) سؤال عقدني
يوم اني صغيره دايم يسألوني أنتي ولد والا بنت ؟
.. تجيني الصيحه مرررررره .. واقول ليه كذا ؟؟ يارب متى اكبر .. وتطلع علامات البنوته ( على وزن انوثه .) مره جت امي بتصلي في الحرم قالت وقفي قدامي ياويلك لو تروحين .. تسرقك التكرونيه وتقطع يدينك وتخليك تشحدين
.. أفلام أهلنا اول ويقولون ليه خيالاتنا شاطحه طبعا لاني صغيره وعقلي على قدي مايتعدى افلام كرتون القناة الاولى والبطاطس المقلي .. قلت طيب ماني رايحه اخاف انخطفوجلست قدام امي وهي تصلي .. واتفرج على شفايف العالم وهم يصلون وشلون تتحرك وامارس بثارة اي طفل سعودي يبحلق بالمصلين .. عاد انا تخصص قز
وفجأه بحركة سباهه مني كبيت الترامس الي وراي .. أجل احد يجيب ترامس للحرم ؟ سبحان الله السعوديين مايخلون مكان مايبسطون ويتقهوون فيه
شتاء صييف .. لازم يكحنون قهوه وشاي.. المهم لما كبيت الترامس ( الزمزميات على ماقالو صديقاتي
) جاء رجال وهزئني قال ياولد انت ماتشوووف ليه تكب الي وراك .. الله يهديك بس .. جبتها ع الجرح وكنك مادريت
والله ان الكلمه جت بنفسي مره .. انجرحت < ياي
بس عرفت السر بهـ السؤال وليه الناس تسألني وتغلط .. بعد ماشفت صوره لي عند أمي .. توني اشوفها والله
.. طلعت العقده من قصة الشعر
.أتوقع الناس يحسبوني ولد محلق اصلع ولابس قبعه دائريه سوداء
بس للأسف الشديد ما اكتشفت الا يوم كبرت وشفت الصوره
.. مايستفاد :
ஜ لاتقصون بناتكم .. ولا خواتكم .. بوي الا اذا كبرو << قال بوي قال
.. اشوى ان اسم القصه دائري ماكنا نعرف بوي 2) رواية الرواية
أنا اذا قريت روايه من الحماس مع الروايه احلم فيهم واشوف الابطال
اذكر مره قريت روايه .. وبطلة الروايه دايم متحجبه عن ولد عمها . وحلمت فيها وهي متحجبه كنها شغاله
وحقدت على الكاتبه لانها تقول حلوه .. وتطيح الطير من السماءملاحظين الروايات صار كلن يكتبها وحتى الي مخه مايعرف يحبك القصص
ودك تقول مو لازم تكتبون والله .. يعني خل اجيب لكم مثال ..
بصراحه.. اكبر اكشن بحياة السعوديه .. ان يدخل صيدق اخوها عليها وهي بالملحق .. رافعه القميص .. وجالسه تتفرج على ركبتها .. كم يبي لها من كريم وتصير بيضاء ؟
اما مسألة انها نايمه في الجمس ويطلع فيها ولد عمها والا ولد خالها بالغلط وهو راكب الجمس .. بعدين تصحى من النوم وتبكي ؟
معليش يعني روقونا ياعالم وش ذا الخيال البايخ
والا الصدف الي تصير ..
تشوف لها واحد ويعجبها .. بعدين تروح كافي وتلقاه .. تروح مول وتلقاه .. تفصخ ملابسها تلاقها متوزي بالدرج
وش ذا الخرابيط .. لو يصير لي صدف كذا مع واحد ماني حابته الا بخاف منه اقول جني متلبس .. وبشغل سورة البقره كل يوم
والا مثلا تتكلم الروايه عن اثنين مايحبون بعض يتزوجون .. وكل واحد ينام بغرفه .. وبالنهايه يحبون بعض ..
وش الي يحدنا كل واحد بغرفه .. اروح بيت اهلي اصرف لي
يعني شوي واقعيه ياعالم
لاحظت ماتكثر الرويات الي من هـ الطقه الا اذا عطلو بنات المتوسط
.. عشان كذا ريحة المراهقه فايحه من بين الاسطر .. 4) حب المنتديات طبعا كلنا ماننكر ان الحب والاعجاب موجود .. اعرف وحده خبله .. تقولي افنان فلان والله يحبني احلف لك ... قلت وش عرفك ؟؟ قالت دايم يرد على مواضيعي ( عاهه
) المهم ابقولكم سالفه .. كلنا ننجذب احيان لاشخاص موجودين .. لاي سبب كان .. القلب هو الميّال
وخيروني ابن العم خيروني ابن الخال
هاكم السالفه .. امسكوها بشويش تراها حساسه طالعه على امها افنان ياروحي
فيه بنت .. يعني بعمرنا كذا بالعشرينات .. المهم هالبنت سجل بمنتداهم واحد يجنن .. كلامه واسلوبه شي فضيع .. هذا غير ثقافته ..
الحاصل ان البنيه خقت
.. وصارت كل ماشافت له رد والا موضوع راحت تقرا .. واذا رد عليها تتشقق المهم ان البنت .. قالت ليه ما ارسل له رساله عشان يضيفني عنده مسنجر
ارسلت له .. ورد .. ورساله .. ورد .. الخ .. لين اضافو بعض .. المهم قال لها خلينا نسوي مسابقه ونشوف مين يفوز انا والا انتي ..
طبعا فاز هو لانه مثقف .. ويعرف كل شي
والبنت كل مالها وتخق .. وصارت تسنتر بالمسنجر كرمالو
الرجال انقطع فتره ماهي ببسيطه ..
والبنت تنتظر ... وتقول وين راح الله ياخذه .. لايكون تزوج ..
بعد شهور لقيته اون لاين ... وانهبلت فرحت .. تشققت ..( ايقونه ترقص )
قالت وينك انت قلقت عليك .. حرام عليك وش هالغياب ..
قالها شوية ظروف ..
يوم جاء بيطلع .. قالت له فلان الله يخليك عطني رقمك .. ابي اتطمن عليك بس مسجات والله مانكلم ,,
قالها .. وش هالكلام يابنتي .. انا عمري خمسين سنه كبر ابوك .. وحنا متفقين اننا بس نسوي مسابقات ثقافيه عبر المسنجر لا نوصلها لكذا .. انا الحين جد .. وعندي احفاد ..
وانصدمت البنت
ليست هناك تعليقات:
إرسال تعليق