السلام عليكم
وش اخبار البنات الحلوات << تقردنهم
قبل كم يوم جتني رساله ع الخاص .. ( الله من يوزر ملقوف الحين بيقرا هالسطر باربع عيون )
الرساله تقول ( نفس اليوزر طلعت له 8 عيون )
يقول راعي الرساله ..
أخوي الله يخلي لك عيالك الي في ألبومك ماشاء الله
خوى بطنك قل آمين بس
كل ذا الرقه والذوق والنعومه والانوثه ( لاتقولون ماشفنا شي لاني مخبيتها درء للفتنه )أول مره صراحه أحد يجرحني ويقول اخوي
.. عاد المهم قلت له اذكر الله على عيالي .. تراهم طالعين على امهم .. الله يخليها لي
واقول لاختي وش رايك اغير اسمي لابو فهد ..
المهم بما ان الماخوذ قال اخوي خوى بطنه .. وخلخال يصك راسه انا قررت يابنات استلعن عليكم ..
وأستقعد لكم ...
لا وازيدكم من الشعر بيت ,,, بتزوج من برى السعوديه ولا ني متزوج منكم ..
بتزوج مغربيه ... يابعد شحيمة يالي
المهم بتكلم عن بعض زين ؟بعض من البنات انتم يابنات الاقلاع مهوب منهم انتم من كوكب الزين منتو من وراه << نفاق
انا ولد داشر يلعب على البنات ويعطيهم كلام حلو عشان يخقون عليه الله يعافيكم لاحد يقول لاتجمعين بعض قلنا << رقيق المشاعر ولا يبي يجرح احد
قلنا بعض << بدأ يصير ماصل ويكرر .. وصار كأنه فايز المالكي الي قام يسوي نفسه كل شوي مناحي لاني الناس ضحكو شوي
تعالو نشوف سوى هاتو يديكم
أولاً المرأه في مجال العمل :
الحرمه لي وفقها ربي .. وصارت رئيسه .. أول شي تسويه .. تطلب لابتوب ... ولازم يتوفر النت بحجة الشغل .. وهي تدخل عالم حواء
.. ثم تقول ابي جوال خاص بالشغل وابي تلفون .. وتتصل على صديقتها وامها وخواتها ويالله حش .. واذا صارت توها متوظفه تقول خزنو رقم مكتبي
واذا توفرت لها هالامور تبدأ تفكر في بطنها .. وتجيب معها قهوه وحلا كأنها رايحه لحديقه والا رايحه تسيّر ... عاد اذا صارت راقيه .. ابد تطلب بس من اقرب مطعم ولاتنقل بيالات وفناجيل .. وتشوفها وزوجها يسوق بس تناظر المطاعم القريبه من الدوام عشان يوصلون لها
بتقولون اجل من الي يشتغل ؟
اقولكم الي تحتها ... ياهي تكرفهم
.. ياهي تستعبدهم ... ياهي تحسسهم انهم ولا شي .. واني انا بطله واذا خلصو من الشعل ... والخطابات .. والخرابيط .. تبلع اللقمه الي بفمها .. وتوصلها للي اكبر منها .. وتقول هاه عسى الشغل اعجبك
واذا جاء التقييم .. تعالو شوفو النذاله ... جت الدرجات بيدها .. الي تحبها تعطيها 9 من عشره والي تكرها 7 والا 6 ... طبعا بتقولون ليه ما تعطي الي تحبها عشره ؟
بقولكم يأنبها ضميرها ماتبي احد يجي بمكانها
.. ولما ربي يرزق الحرمه .. وتتوضف كـ معلمه او مديره .. ياهي تتشعبط . تعجز .. تترهل .. تطيح أسنانها .. ومع ذالك ماتبي تتقاعد .. لين يقاعدونها .. يختي في بنات يبون يتوضفون
أنا السنه الي بعد الجايه ان شاء الله اتخرج . ابي اتوضف ما ابي اقعد لاني اعرف قعدتي خطر على الامه
هذي الفقره (18+) >>لاتقولون مادرينا
الحرمه اذا كانت متزوجه .. تدخل النت وتسنتر في اقسام الطبخ .. والا تدخل المنتديات الزوجيه .. اذا دخلت الطبخ وطاحت فيه .. زين على زين
اما لوطاحت في المنتديات الزوجيه
... تشوفها مغير زعلانه يافلانه وش فيك ؟؟ عسا مازعلتك ؟
وتبرطم .. ولاتعلمك هي وش تبي من الحياة
وهي داخلها الحين تحس انك أسوء رجل بالعالم ..
يابنت الحلال صارحيني
تجيب لك مشاكل قديمه والا تفتح لك مشاكل وتكبرها من أشياء تافهه
بالاخير وش تطلع المشكله ؟
قاريه شي بالنت وانت ماسويته لها
تلقاها تقرأ وحده قايله ان زوجي حطيت له في الحمام شموع ويوم شاف هالحركه ضمني
ثم تجي تحط لك شموع .. عاد انت فيك نوم ومانت رايق ابد
تجي تقول ماشاء الله وش هالزين حبي لتس يازوجتي
عاد هي بتزعل .. وتحس انك ماتنفع زوج ليه ؟
لانك ماسويت زي زوج الي قرت موضوعها بالنت
والا اذا عاد صارت الحرمه داجه .. تدخل شات .. وتسجل باسم ( ورده ذابل عطرها )
وتلقاها جالسه بالصاله ولابسه قميص مخطط والا مشجر .. وشعرها مزيت ورافعته فوق كله ..
.. والي يشوف نكها يقول يالبيه وش ذا الرومانسيه ويجي عاد واحد يتعرف عليها ... ويقول لها وش لابسه ..
تقول لابسه بدي بينك وبرمودا جينز
.. عاد يخق ويقول آحيييييييييه وش هالكشخه
.. وتصدق نفسها بقوووه وهو يضحك عليهايقول له صديقه وش فيك ... يقول ابد شف هالداشره شكلها مدري وش تبي
اللهم عظم أجر مشايخنا
اللهم عظم أجر مشايخنا
اللهم عظم أجر مشايخنا
لو فرضنا انكم حاطين قناة فيها فسقه وقلة حياء .. وجت لقطه اوب زينه وواحد من اخوانكم جالس جنبك
والعيال وحده من خواتك جالسه جنبك
وش تسوون ؟ .
اي شخص عنده مرؤه بيقول ما ارضى .. وسوف يسقط وجهي ارضاً..
ولا راح احط هالفلم وعندي اخوي
شفتو شعوركم ذا ... ؟
انا يجيني لين حطينا الفتاوى وعند اخواني واتصلت حرمه ,. لي سمعت صوت حرمه يا اسوي ميوت والا اغير
لاني ادري انها بتجيب العيد
وش فيهم ذولي مايستحون ؟
انا جربت مره قالت لي امي بنتي الجميله الي كلك انوثه << ويظهر عليه التعقيد من الرساله الخاصه
المهم قالت أتصلي على ذا الشيخ واسأليه وش حكم اننا نلبس سلسال فيه أبراج ..
والله ياني استحيييييييييييت
.. مدري اقول له السلام عليكم ..
اخاف يقول ابدي السؤال واتفشل .. مدري اقول شيخنا العزيز عندي سؤال
والا ادرعم
اخاف شيخنا العزيز عيب .. والدرعمه بعد عيبجلست ساعه ادور ببيتنا لين نحفت كيلو
بعدين اتصلت وسألته وش حكمها قال حرام
وسكرتها ماقلت جزاك الله خير ومن ذا الكلام الي يقولونه الناس
انا بس بسأل وشلون يجي لهم وجه يتصلون ع الهواء ويسألون ذيك الاسئله اللي عيب مره
وحده وربي توصف للشيخ معاد بقى الا تقول اصبر برسل لك ملتميديا عشان تشوف هذيMenstruation
والا لا ..
وجع تراه شيخ مهوب دكتور نساء وولاده
والا التشقير الي غثووونا عليه كل حلقه لازم ينسأل الشخص ماحكم التشقير
مره وحده اتصلت ع الفتاوى ونسمعها انا وامي منيره
قالت ماحكم التشقير
قال لها جائز واختلفوا العلماء الحين لكن مافيه شيل للشعر
قالت لاياشيخ بس كأنها شايله الي تشقر
طيب يابابا منتي مقتنعه لا تشقرين .. بس متصله ليه
.. الا غصب يقول حرام !!والا الي تتصل تقول خربناها في نهار رمضان وش نسوي ؟!
معقوله يامسلمين ؟ ماتعرفون امور دينكم ؟ والا تبون الشيخ يقول ابد لاتسوون شي جايز
شي معروف ودرسناه بالفقه لييييييين طلع مع بصيلات الشعر .. مكفرات هالامر
يعني وربي شي شي فضيييييييع .. احس لو كنت شيخ بقول الحريم لا .. اقطعو الخط بوجيههم
الي يبي ينفضح ... الي يبي سره يضييع .. يروح يقوله لحرمه
تجي مثلا تقول يافلانه انا صار لي كذا وكذا ... تقول لاااااااا ابد سر بينا
واليوم الثاني اذا انعزمت وزانت الجلسه .. يصير السر الي ماسكته يقرقع بقلبهااا لازم يطلع
وتسبقه كلمة ( بيني وبينك ترى محد يدري )
وبعد اسبوعين .. تلاقي كل اهل الرياض يدرون بس مازالو يسبقون السر بكلمة ( بيني وبينك لايطلع )
عندي وحده من اقرباي .. من كنا صغار .. وانا اقول لها اسراري صح اني بزر بس من ابسط حقوقي يصير لي سر
.. المهم اني كنت اقولها وتروح تعلم ... ماااااااااش ماتمسك سر
ثم عاد مسكتني امي وقالت لي ترى كل شي تعلم فيه فلانه لاتقولين لها شي
قلت طيب .. ومن بعدها معاد أقول شي ابد .. تأدبت
ولما كبرنا
.. قلت اكيد انها كبرت وكذا مستحيل بتطلع الكلام .. وصارت تجرجرني بالكلام ..
وانا والله قلت له وكبيت العشااااااااااء ... تكبن على قولة ابو حنفي
المهم ..
<< تتنهدبعد شهر ..والله ياعالم صحيت من النوم لقيت امي مبتسمه ... قلت لها شفيك
قالت انتي قايله لفلانه كذا وكذا
قلت يماااه
وشو من قال لك قالت احسن درس لك
.. شوفيها قالت لامها وامها قالت لاختها .. وانتشر الخبر وصارت سالفه جد جد ك ر ه ت ه اااا
الغيره تنقسم الي قسمين( لاتشرهون ترى السنه الجايه اطبق واصير استاذه افنان
) ادري مايناسب وداجه .. بس عادي ندج انا وبناتي الي ادرسهم سوى 1_ الغيره على .
الحرمه لما تغار على زوجها .. احيان تصير عاد الغيره مفرطه .. يعني شوي وتحط زوجها بالشطنه حقتها وتمشي ..
معليش ياحبيبتي ترى كل الناس تتزوج
والا عاد الغيره المرضيه ... اذا شافت وحده حلوه بالتلفزيون وغيرت ..
الحين ياوجه العنز تحسبينه ماعمره شاف غيرك ؟
يوم انك تحجرين له هالتحجير .. والا منتي واثقه من شكلك
.. 2- الغيره من
تغار الحرمه منك
.. عاد هذي المشكله .. ممكن الغيره تنقلب وتصير حقد .. عاد تبدأ العداوه .. وتصير ضدك .. وهذي حتى احيان في المنتدى .. وجه يطلّ على العيارين ويتذكر بعض الناس واحيان الغيره لا مايكون معاها حقد ... بس تصير تقلدك بكل شي .. كوبي بيست ..
يعني معليش اشتري جهاز جوال تجي تشتري مثله
لابتوب بعد كم يوم عندها مثله
طرحه بعد كم يوم عندها مثلها
ياحبيبتي انا ماني قدوتك بالحياه ...
معجبة لهذي الدرجه .. ماودك اعطيك روحي وكل شي وتصيرين انا
خلاص دام عندي نسخه مني ما ابيني ..
( وجه متعقد )
قصه صارت لي كل ما اتذكرتها تجيني صيحه
وربي صادقه بكل مافيها ( للأسف طبعا )بسنه من السنوات.. صارت لي ظروف وتوفى ابوي الله يرحمه ويجمعنا فيه
المهم ذيك الفتره طلعت لي بنت .. تبي تصير صديقتي ... ومرررررره معاي لدرجة انها تقول متى تكمل صداقتنا سنه
وتكتب فيني اشعار ..
.. ودايم تتغزل فيني .. وفوق هذا كله ما تكلمني في المدرسه ابد ليه ؟؟
تقول استحي ما اقدر اناظر في عيونك
ومررررررررررره البنت قريبه مني بشكل ماحد يتخيله .. بس شي واحد يزعجني فيها
انها تقولي مره .. فلانه تقول افنان حبيبتك لابسه كذا وكذا
يعني شي غريب وش هالحب والحياء .. مو صداقه ابد .. بعدين تكلمني 4 ساعات بالقليل
خفت منها وقلت لوحده من صديقاتي القريبات مره .. كلمي فلانه .. حركاتها معاي عجيبه
وصدمتني قالت .. اصلا انا راحمتها عشان ابوها ميت
يعني الله لايحوجني لرحمة اشكالك .
وين الصداقه ... وجع بعدها كرهتها حسيت جواتي جررررررررح .. بس الحين هي عندي مسن اذا شفتها انسى الموقف .. بس ما انكر انه للحين موجود بقلبي
كانت تقدر تنسحب بدون تجريح
..
البنت صداقتها غريبه تقلب عليك بيوم ؟ ... ليه كذا بنات ؟
هذا موقف صار لي بالاقلاع
مره وحده دايم ترسل لي خاص داااااااايم .. مره ناشبه رسايل .. وانا ارد عليها ماعندي مانع .. وكنت حابتها بصراحه ..
المهم قالت لي شرايك نتكلم مسن
قلت لها مو مشكله يشرفني
اضفتها ... وفتحت لها قلبي .. وقلت لها شي ما ينقال لاي احد ..
وهي نفس الحكايه ...
فجأه .... لاحظوا انه فجأه
قالت احذفي ايميلي ..
معليش ياعاهه .. هذا لفت نظر والا ايش .. يعني لو فرضا فلانه ماهي عاجبتك او شفتي غلط تعالي صارحيها والا احذفيها بدون لا ترسليين مسج
وتاكدي لحظتها واللي خلقني .. ماني داريه عنك
ايه ايه وصلنا خير ..
.. طبعا كلكم تعرفون ان الحرمه عاطفيه وتحب ..
بس لو رجال اعجبته فلانه .. وراح يبين لها ...ياهي بتجلس تتميصل .. وتشوت فيه تشوويت
.. يعني باختصار تكرهه ..
ولي شوتها ببوت مقاس 45 .. ترجع وتبدأ تحتك ..
أو حاله ثانيه .. الحرمه اول شي تخطط على الي مايعطيها وجه .. لييييييين تجيبه
واذا عاد حبها ..
تقوم تتغلى وتقول ما ارتحت .. والا تسحب عليه ..
يعني تقريبا الصداقه والحب سيم .. ومشاعر الحرمه لا تأمنها
( الله من بنت بتحقد علي .. بس قلنا في بعض )
نغمة حضيرة بقر
يالله يالله شي فضيع ياعالم .. احيان كثير احس بعض الحريم مايفهمون
دباشه
اقرب مثال .. كان عندنا عزيمه قريب ... هالعزيمه مرررررررره رسيمه ..
المهم ان فيه وحده عازمين ام زوجها وجت هي بدالها
.. المهم قلنا مايخاف بالنيابه نهضمها اشوي بس سرب البزارين الي وراك ليه ؟
بفهم انا بس ؟
يعني عزيمة حريم كبيره .. حتى بزران خواتي منطقين ببيوتهم ..
ويا ان بزرانها بدعّو
يا انهم كبو عصيرات يا انهم بغوا يكسرون الباب يعني حتى حنا ارتبكنا ..
نترك هالموقف نروح موقف ثاني
مره من المرات رايحين لمسجد القيام
المهم خلصنا .. وفيني نوووووووووووم مابي الا سريري .. وجيت بطلع ادور الشوز
وجت وحده حرمه دبه مره وراي وتفغصني ..
شكيت أنا ماكله بزرها وتبيني استفرغه .. خيرررررر وش ذا الرصه
قلت لها لو سمحتي شوي بموت ترى روحي مابعدها روح .. وش فيك راصتني
آخر شي صارت تدور شوزها
خير ؟
لا بالله خير ؟
لهذي الدرجه مافيك تصبرين شوي ..
بغت تذبحني عشان شوزها ... بهايم مافيه عقل
المرأه و الانترنت :
المرأه والفتاوى :
المرأه والسر :
المرأه والغيره :
المرأه والصداقه :
المرأه و الحب:
المرأه والدباشه :
المرأه والحموله :
بعض الحريم الله يهديها .. اذا تزوجت تبدأ الحرب من اول يوم مع اهل الزوج
مره من المرات قريت في منتدى ..
من النصائح للزوجه .. ونعم النصايح والله
.. انه لما يسالونك اهل زوجك ليه تأخرتي .. اسفهيهم
معليش ياعآلم
بيضرني لو صرفتها بكلمتين .. او قلت لهم ليه انا متأخره تشوفها من اول يوم .. ماتتحمل منهم ولا شي .. لو ناظرتها اخته .. تقول ايييه حاقده
لو يقول لها زوجها بنطلع اهلي اليوم .. ولا بناخذ اهلي معانا للسفر
انتفخت ..
ياحبيبتي تراه ولدهم قبل يصير زوجك
المرأه وزوجة ولدهم :
عاد الحين نجي للعكس .. بعض العجايز والله ياهم استقعاااد لزوجة الولد .. يحسون انها شغاله بدون راتب .. واذا شافوها جالسه
ينطرونها بنص عين ... وانواع قطّ الحكي ماترفع حتى الكاس وهي بيت اهلها مكروفه
والا يجون البنات ... ايييييه يوم تزوجت صرت تخليها تسوي كذا وانت قبل ماتخيلنا ومحجر لنا
عاد الزوج يقع في مأزق كبير ... مابين زوجته ... واهله ..
ويقول ياليتي ما اعرست
تبي الحرمه تمبسط اطلقها بسوق ومطاعم
في السوق ماتخلص تفرّه فرّ ... ويلعب عليها السوري واللبناني بكلمتين .. وتستحي تقول له لا مابي
وتشتري عشانه كأنها تجامله ..
يلعب عليها يقول:
هاي المسكار مناسبه كتير لرموشك
وتصدق ..
هاي البلش كتير نايس ع لون بشرتك
وتصدق
بئأ لك خمسين ونعطيكي هديه كتير حلوه
وتصدق
وتقوله عندكم شي بخمسين ؟
يقول لأ عندنا بميي << يعني بميه
تقوله يالله عطيني الي بميه عشان آخذ الهديه ..
وآخرتها الهديه شنطه فاضيه
.. وهالشنطه اقل من عاديه .. وعلى كل حآل هم الربحانين ... ثم عاد يالله تروح للمطعم .. ومن شفاحة الحريم مطلعين نقاب للمطاعم
هذا شكله ... شفتو المغاطين الي ع الجوانب
تسحبهم وتطلع خشتها عشان تاكل ... كل هذا
مافيك تفصخين النقاب ؟
ماهو طاير الاكل
المرأه والمطعم والسوق :
المرأه والحش :
الحريم سبحان الله مهما كان لاااااااازم يحشون لازم ..
تعال شفهم بعد العزيمه ..
شفتو بيتهم
شفتو بيالاتهم
شفتو فناجيلهم
شفتو تقديمهم
شفتو لبس فلانه
شفتو ميك آب فلانه
شفتو دريبزينهم
شفتو رخامهم
ليييييييييييين يمر اسبوع وهم ماسكين خط
والحين عاااد .. اسمحو لي .. اروح انام .. لان الشمس طلعت
والشمس مؤنث .. وانا من اليوم احش بالحريم ماش استحيت منها
ليست هناك تعليقات:
إرسال تعليق